Samþætting við Shopify

Avatar

Skrifað af Bjorn Hr Bjornsson

uppfært fyrir 6 dögum

Samþætting við Shopify felst í því að stilla upp Shopify viðbót sem tengist við Payday API.

Um Shopify viðbótina

Shopify viðbótin er Custom App sem Payday þarf að stilla upp fyrir viðskiptavini.

Helstu eiginleikar viðbótarinnar:

  • Tengt er saman Payment Method (greiðslumátar) úr Shopify við bókhaldlykla úr Payday.
  • Þegar pöntun er gerð í Shopify þá skráist viðskiptavinur inn í Payday út frá netfangi eða kennitölu viðskiptavinar. Sjá frekari stillingar.
  • Þegar pöntun er gerð í Shopify þá skráist greiddur reikningur inn í Payday með viðeigandi bókhaldlykli.
  • Valmöguleiki að senda reikning á tölvupósti þegar reikningur er stofnaður.  


Forkröfur til þess að nota Shopify viðbótina

  • Viðskiptavinur þarf að vera skráður í Allur pakkinn.
  • Viðskiptavinur þarf að að hafa sent fyrirspurn á Payday varðandi uppsetningu og hafa gefið upp myshopify.com lénið sitt að versluninni sinni.
  • Þegar tæknileg uppsetning hefur átt sér stað hjá Payday verður sendur hlekkur annað hvort í gegnum spjallið á viðkomandi eða í tölvupósti. 
  • Smelltu á þann hlekk og fylgdu næstum skrefum.


Uppsetning á Shopify viðbótinni

Þegar smellt er á hlekkinn þarf fyrst að veita viðbótinni aðgang að gögnunum úr versluninni þinni. 

Smellt er á Install App

Þegar verslunin er búin að setja upp viðbótina (getur tekið nokkrar sekúndur) þá ætti að birtast gluggi sem biður þig að skrá þig inn með ClientId og ClientSecret

Þessar upplýsingar eru aðgengilegar inni í Payday undir Stillingar > Fyrirtæki > API.


Afritaðu ClientID og ClientSecret yfir á í dálkana og smelltu á Connect.  

ATH. API Endpoint skal vera stillt á Production nema ef um þróunarumhverfi sé um að ræða.

Núna ættir þú að sjá stillingarsíðuna þar sem þú getur tengt saman greiðslulyklana þína úr Payday og greiðsluþjónusturnar sem eru í boði inn á Shopify. 

Þegar þú smellir á Save ætti viðbótin að vista stillingarnar og þegar ný pöntun verður til inni á Shopify þá verður til greiddur reikningur inn í Payday merktur þínum greiðslulykli. 

Þetta fer alfarið eftir þínum stillingum. 

Ef þín greiðsluþjónusta birtist ekki í fellilistanum, hafðu þá endilega samband við okkur hjá Payday og biddu okkur um að uppfæra listann fyrir þig. 

ATH. Ráðlegt er að hafa einn bókhaldslykil inni í Payday fyrir hverja greiðsluþjónustu inni í Shopify. 


Núna ætti allt að ganga upp ef skattastillingarnar eru réttar hjá þér inni á Shopify. 


Stofna bókhaldslykil í Payday 

Ef greiðslumátinn þinn í Shopify þarf á sér bókhaldslykli að halda þá þarftu að stofna nýjan bókhaldslykil inni í Payday.

Ráðlegt er að hafa einn bókhaldslykill fyrir hverja greiðslugátt. 

Tökum dæmi:
Í Shopify versluninni minni býð ég notendum mínum að greiða með reiðufé þegar þeir taka við pöntununum sínum. Farðu undir Bókhald > Bókhaldslyklar og smelltu á Nýr lykill.

Gefðu bókhaldslyklinum skýrt nafn og lýsingu. Veldu síðan tegundina sem við á.

Til þess að stofna bókhaldlykil inni í Payday sem mun birtast í Shopify þarf að haka við Nota fyrir greiðslur.

Smelltu að lokum á Vista. 


Ef þig vantar frekari aðstoð hafðu þá samband við okkur á hjalp@payday.is

Svaraði þetta spurningunni þinni?