Um Noona samþættinguna
Samþætting við Noona felst í því að stilla upp Payday appi í Noona.
Helstu eiginleikar samþættingarinnar:
- Reikningar, kreditreikningar og endurgreiðslur úr Noona skrást beint í færslubók í Payday. Athugið að endurgreiðslur þar sem aðeins hluti upphæðarinnar er endurgreidd koma ekki yfir í Payday.
Forkröfur þess að tengja Noona við Payday
- Viðskiptavinur þarf að vera skráður í Allur pakkinn.
Setja upp samþættingu við Noona
- Opnaðu Noona: https://hq.noona.app
- Smelltu á fellilistann uppi í hægra horninu.
- Smelltu á Stillingar (Settings).
- Undir Aðgangur (Account), veldu Apps.
- Finndu Payday appið og smelltu á Tengja (Install).
- Veittu Payday aðgang með því að smella á Samþykkja (Approve) takkann.
- Nýr gluggi með Payday ætti að opnast og þú skráir þig inn. Ef þú ert þegar skráð(ur) inn í Payday þá er þessu skrefi sleppt sjálfkrafa.
- Því næst birtist gluggi þar sem þú getur stillt Noona samþættinguna. Tengja þarf alla greiðslumáta í Noona við þá bókhaldslykla sem bóka á greiðslurnar á í Payday. Þú getur alltaf fundið þessar stillingar undir Stillingar > Fyrirtæki > Samþættingar í Payday. Þar ættir þú finna Noona í listanum.
Hvernig fjarlægi ég tenginguna við Noona?
Þú fjarlægir tenginguna við Noona með því að fara undir Stillingar > Aðgangur > Apps og smella á ruslatunnuna við Payday appið. Ef það er engin ruslatunna og það stendur Tengja (Install) þá er appið ekki lengur tengt.
