Hér sérðu hvernig þú gerir reikning fyrir vöru í Payday. Þegar þú selur vöru á reikningi uppfærist lagerstaðan sjálfkrafa og salan bókast á þann bókhaldslykil sem er skráður á vöruna.
Áður en þú byrjar
- Þú þarft að vera í Allur pakkinn svo að þú getir stofnað vörur
- Varan þarf að vera skráð í Payday undir Sala > Vörur > Ný vara. Sjá hér: Búa til nýja vöru
- Viðskiptavinurinn getur verið skráður fyrir fram, en þú getur líka stofnað hann um leið og reikningurinn er gerður.
Stofna reikning fyrir vöru
- Farðu í Sala > Reikningar og smelltu á Nýr reikningur.
- Veldu viðskiptavin sem þegar er skráður í kerfinu, eða stofnaðu nýjan með því að smella á Nýr viðskiptavinur.
- Leitaðu að vörunni. Hægt er að leita eftir nafni, lýsingu, tögum eða verði, með eða án VSK. Veldu síðan vöruna.

- Þegar varan hefur verið valin þarftu að velja magn. Verðið birtist sjálfkrafa á reikningnum.

- Þegar allar upplýsingar eru réttar þá skaltu stofna reikninginn.
Þegar reikningurinn hefur verið stofnaður uppfærist magn vörunnar á lager og salan er bókuð á bókhaldslykil vörunnar.
Hvað gerist við magn á lager þegar ég sel vöru á reikningi?
Magn vörunnar á lager uppfærist sjálfkrafa um leið og reikningur fyrir vöruna er stofnaður í Sala > Reikningar. Þú þarft ekki að breyta magni á lager handvirkt eftir söluna. Þú getur nálgast hreyfingar á vörunni undir Sala > Vörur > Smelltu á vöruna sem á við og skoðaðu Hreyfingar þar undir. Í myndinni hér að neðan getur þú séð hreyfinguna sem ég stofnaði á reikningnum.

Hvernig bókast sala á vöru í bókhaldi Payday?
Sala á vöru af reikningi fer beint í bókhald Payday á þann bókhaldslykil sem er stilltur sem lykill fyrir sölu vörunnar. Bókhaldslykill er númer reiknings í bókhaldinu sem færslan er skráð á. Ef þú vilt að salan bókist á annan bókhaldslykil þarftu að breyta bókhaldslyklinum á vörunni sjálfri.

Algengar spurningar
Get ég leitað að vöru eftir verði þegar ég stofna reikning í Payday?
Já. Þegar þú stofnar reikning fyrir vöru í Sala > Reikningar getur þú leitað að vörunni eftir verði, bæði með og án VSK, auk nafns, lýsingar og taga.
Þarf ég að slá inn verð vörunnar á reikninginn?
Nei. Verð vörunnar birtist sjálfkrafa á reikningnum þegar þú hefur valið vöruna og magn.
Get ég stofnað nýjan viðskiptavin á meðan ég geri reikning fyrir vöru?
Já. Smelltu á Nýr viðskiptavinur þegar þú velur viðskiptavin á nýjum reikningi í Sala > Reikningar.
Uppfærist magn á lager ef ég bakfæri reikning fyrir vöru?
Þegar reikningur fyrir vöru er bakfærður í Payday verður til ný hreyfing sem bakfærir upphaflegu hreyfinguna. Þú sérð báðar hreyfingarnar undir Sala > Vörur > varan > Hreyfingar.